Զարթոնք՝ Նոր Սկիզբ Հայստանում

Տեսլական

• Կրթությունը որպես զարգացման հիմնաքար.
  Կրթությունը պետք է լինի ցանկացած զարգացման հիմնաքարը։ Կրթության բարեփոխումները կհեշտացնեն նոր սերնդի համար առաջադեմ և փոփոխվող աշխարհում հաջողակ լինելու հնարավորությունը՝ նորարարական գիտելիքների ու մտածողության ձևավորման միջոցով։
  Մենք, որպես պետություն, իրավունք չունենք անգամ կրկնօրինակելու ուրիշների փորձը, մենք պետք է հաշվի առնենք իրենց փորձը, մշակելով ու ադապտացնելով այն մեր կարիքներին՝ ստեղծելով ավելի արդիական և առաջադեմ կրթական համակարգ։ Կարևոր է, որ մենք գիտակցենք, որ բոլոր ոլորտներում զիջում ենք շատ երկրներ, և այս խնդիրները հաղթահարելու համար անհրաժեշտ է կրթության բարեփոխում։ Բարիքը կգա տարիներ անց, սակայն եթե չսկսենք, երբեք չենք կարող ունենալ զարգացած պետություն։
  Կրթության բարեփոխումները նույնիսկ բանակից առավել առաջնահերթ են։ Միայն կրթության միջոցով է հնարավոր հաղթահարել տգիտությունը։

• Բարոյական արժեքների ձևավորումը և պետական դերը
  Բարոյական արժեքներ ձևավորելը կարևոր է հասարակության զարգացման համար։ Այս արժեքներն, ինչպիսիք են ազնվությունը, արդարությունը, հարգանքը և պատասխանատվությունը, պետք է ձևավորվեն և պահպանվեն ոչ միայն քաղաքացիների, այլև պետության կողմից։ Պետությունն ու կառավարությունը մեծ դեր ունեն այս գործընթացում, քանի որ դրանք ունեն թե՛ օրինակ ձևավորելու, թե՛ հասարակությունը բարոյական ուղիով առաջնորդելու պարտականություն։
  Արժեքները հիմնականում ստեղծվում են էլիտաների կողմից՝ քաղաքական, տնտեսական և մշակութային առաջնորդների, որոնք պետք է լինեն բարոյական կերպարներ։ Կառավարությունը պետք է տանի այս արժեքներն ու ձևավորելու օրինակ, քանի որ միայն բարոյական պետությունը կարող է ապահովել հասարակության կայունությունը և առաջընթացը։

• Բանակի արդիականացում և հայրենի զենքի արտադրություն՝ երկրի անվտանգության համար
  Հայաստանում բանակի արդիականացումը և զենքի արտադրության զարգացումը կենսական կարևորություն ունեն երկրի անվտանգության և անկախության համար։ Բանակը պետք է հասցվի այն մակարդակի, որ բանակում ծառայելը պատիվ լինի յուրաքնչյուր հայորդու համար։ Բացի այդ, ծառայությունից հետո զինվորները պետք է գիտելիքներով հարուստ վերադարձնեն բանակ, այլ ոչ թե հետ ընթանան մնացած ամեն ինչից։
  Ես համոզված եմ, որ ճիշտ ռեսուրսների ներդրմամբ մենք ունենք հնարավորություն և պարտականություն արտադրելու ժամանակակից զենք, որը կպատասխաներ ներկայիս պատերազմներին։ Զենքի տեղում արտադրությունն ոչ միայն նվազեցնում է կախվածությունը արտասահմանյան մատակարարումներից, այլև թույլ է տալիս երկրի պաշտպանությանը լիարժեք պատրաստ լինել՝ ապահովելով պետության անվտանգությունը և կայունությունը։

• Դիվանագիտության կարևորությունը Հայաստանի համար՝ հնարավորությունների գտնում և երկարաժամկետ համագործակցություն
  Դիվանագիտությունը կարևոր է Հայաստանի համար, քանի որ այն օգնում է ուժեղացնել երկրի միջազգային հարաբերությունները, ապահովել անվտանգությունը և զարգացնել տնտեսությունը։ Բայց կարևոր է հասկանալ, որ մյուս երկրներին պետք է առաջարկենք օգտակար և շահավետ գաղափարներ, ոչ միայն ակնկալենք նրանց աջակցությունը։ Մենք պետք է գտնենք այն, ինչ հետաքրքիր է մյուս պետությունների համար և ճիշտ համագործակցենք, որպեսզի ունենանք բարենպաստ արդյունքներ։ Ոչ ոք չի աջակցելու մեզ պարզապես սիրուն աչքերի համար, մենք պետք է նայենք հեռուն ու գտնենք վաղվա օրվա շահավետ նախագծերը։

• Տնտեսական զարգացման ուղիներ Հայաստանում՝ աջակցություն, հավասարություն և մրցունակություն
  Հայաստանի տնտեսության զարգացումը հնարավոր է, եթե իրականանան ենթակառուցվածքների բարելավումներ, փոքր ու միջին ձեռնարկություններին աջակցություն տրվի, ձեռնարկատիրական աշխատանքն ավելի կայուն դառնա, ներմուծվեն միջազգային ներդրումներ, բացահայտվեն ներքին բիզնեսի հնարավորությունները, իրականացվեն կրթական բարեփոխումներ, ինչպես նաև ստեղծվեն հավասար պայմաններ մրցակցության համար՝ մոնոպոլիաներ վերացնելով։ Սա կկատարի տնտեսական կայուն զարգացում, ավելի շատ աշխատանքային տեղեր կստեղծի և կբերի ավելի ուժեղ ու հավասար տնտեսական համակարգի։

• Կոռուպցիայի դեմ պայքարի ժամանակակից մեխանիզմներ և տեխնոլոգիաների նշանակությունը
  Կոռուպցիայի դեմ պայքարն անհրաժեշտ է ոչ միայն օրենքներով ու կարգավորումների միջոցով, այլ նաև նոր մեխանիզմներով, որոնք կկանխեն և կբացարկեն կոռուպցիայի զարգացումը։ Արդյունավետ պայքարը կոռուպցիայի դեմ չի կարող կառուցվել միայն մարդկանց գիտակցության և բարոյականության հիման վրա, քանի որ եթե մեկը հնարավորություն ունենա անօրինականության, նա ուշ թե շուտ կարող է օգտվել այդ հնարավորությունից։
  Այդ պատճառով պետք է ներդրվեն նոր տեխնոլոգիաներ՝ օրինակ՝ բլոկչեյն, որը ապահովում է գործարքների թափանցիկություն ու վերահսկողություն։ Եղել նաև արհեստական բանականության կիրառումը այն ոլորտներում, որտեղ հնարավոր է, որը կարող է օգնել կոռուպցիայի նշանները հայտնաբերելու և կանխելու գործում՝ նախազգուշացնելով հնարավոր ռիսկերի և կասկածելի գործարքների մասին։

• Օրենքի գերակայություն և իրավունքի հավասարություն
  Հայաստանում անհրաժեշտ է հաստատել օրենքի գերակայություն, որտեղ օրենքը կգործի բոլորի համար հավասար։ Դատարանները պետք է լինեն լիովին ազատ և անկախ, առանց որևէ ճնշումների, որպեսզի կարողանան արդար որոշումներ կայացնել։ Բոլոր քաղաքացիները պետք է ունենան հավասար իրավունքներ և հնարավորություններ՝ անկախ իրենց կարգավիճակից կամ դիրքից։ Այս կերպ միայն հնարավոր կլինի ստեղծել արդար, ազատ և պաշտպանված հասարակություն։

• Սոցիալական բարեփոխումներ՝ Հավասարություն և պաշտպանություն
  Սոցիալական բարեփոխումները պետք է ուղղված լինեն հասարակության բոլոր շերտերի հավասարությանը և իրավունքների պաշտպանությանն։ Հասարակության անդամները պետք է ունենան հավասար հնարավորություններ՝ անկախ իրենց սոցիալական, տնտեսական կամ մշակութային նախադրյալներից։ Պետք է ապահովվի նաև ամենատարբեր խմբերի պաշտպանություն՝ ապահովելով յուրաքանչյուրի սոցիալական անվտանգությունը, առողջությունը և կրթությունը։ Արդարություն և համախմբվածություն ստեղծելու միջոցով միայն հնարավոր կլինի հասնել ուժեղ և կայուն հասարակության:

• Ներգաղթը որպես սոցիալական և տնտեսական բարելավումների ուղենիշ Հայաստանում
  Ներգաղթը պետք է լինի մեր երկրում սոցիալական և տնտեսական բարելավումների ուղղություններից մեկը: Հայաստանի փոքր լինելը նշանակում է, որ այստեղ հեշտությամբ կարելի են կատարել արագ փոփոխություններ, և երկիրը կարող է դառնալ «դրախտ» հայերի համար՝ արագ ու արդյունավետ բարեփոխումների արդյունքում։ Առաջին հերթին պետք է խթանել հայերի ներգաղթը՝ վերադառնալով դեպի Հայաստան, որը կարող է լինել առավել հասանելի և գրավիչ։ Մենք պետք է ստեղծենք ներգաղթը խրախուսող պայմաններ՝ ապահովելով լավ աշխատանքային, կրթական ու առողջապահական միջավայր։ Երբ բարելավենք աշխատանքային պայմանները, հեշտացնենք ներդրումները և աջակցենք օտարերկրացիներին, Հայաստան կարելի է դարձնել ավելի դուրեկան և գրավիչ, որտեղ զարգանա գործարարություն, մեծանան աշխատատեղերը, իսկ ամենը կտա նոր եկամուտներ ու կստիպի մարդկանց մնալ երկրում։ Բացի այդ, շատ հայորդիներ կան, որոնք պատրաստ են իրենց մտքերն ու ուժը ծառայեցնել Հայաստանի զարգացմանը, եթե նրանք ունենան լավ պայմաններ։

• Նոր տեխնոլոգիաների ներմուծումը Հայաստանի գյուղատնտեսությունում
  Հայաստանի գյուղատնտեսության զարգացման համար կարևոր է, որ գյուղացիներին տրվի հնարավորություն օգտագործելու նոր տեխնոլոգիաներ, որոնք կբարձրացնեն արտադրողականությունն ու արդյունավետությունը։ Արձագանքելով ներկայիս մարտահրավերներին, գյուղացիներին անհրաժեշտ է աջակցել այնպես, որ նրանք կարողանան հմտություններ զարգացնել, սովորել սովետական դարաշրջանից դուրս եղած նոր գործիքներ ու մեթոդներ։ Տեխնոլոգիաների զարգացմանը զուգահեռ պետք է ընթանա կրթական և սեմինարային աշխատանքներ, որպեսզի գյուղացիները կարողանան արագորեն յուրացնել նորարարությունները, որոնք թույլ կտան խնայել ռեսուրսները, վերացնել միտումները առօրյա աշխատանքի վատնել ավելորդ աշխատանքային ժամանակ ու հնարավորինս օգտվել ապագայի գյուղատնտեսական հնարավորություններից։

• Նոր տեխնոլոգիաների ներդրումը Հայաստանի առողջապահության ոլորտում
  Հայաստանում առողջապահության համակարգի զարգացման համար անհրաժեշտ է ներդրումներ կատարել նորագույն տեխնոլոգիաներում, ինչպես նաև բարձրացնել մասնագետների որակը՝ երիտասարդներին տրամադրելով հմտություններ և գիտելիքներ։ Դա կբարելավի բժշկական ծառայությունների մատչելիությունը ու արդյունավետությունը, ինչը կհանգեցնի բնակչության առողջության ընդհանուր մակարդակի բարձրացմանը։ Կրծքագեղձերի, սրտանոթային հիվանդությունների, դիաբետ եւ այլ ծանր հիվանդությունների վաղ խափանման դեմ պայքարը հնարավոր կդառնա ժամանակակից սարքավորումներով և նախանշված մատչելի բուժման ծրագրերով։ Տեխնոլոգիական լուծումները և կրթական ինստիտուտների մասնակցությունը կաշխատեն ամրապնդելու հայկական առողջապահության հնարավորությունները ու երբեք չուշացնել: Մենք պետք է հասնենք այն մակարդակին, որ մարդիկ գան այստեղ բուժվելու, ոչ թե գնան բուժվելու այլ երկրներ։
  
  Եվ հիշեք՝ ամեն ինչ հնարավոր է, եթե կա սեր և հավատք։